O labrado en granito contribuíu a configurar a nosa etnografía, tan­to como o labor dos campesiños ou dos mariñeiros. Porque os can­teiros traballan desde hai séculos a pedra coa que se edificaron os miles de cruceiros que velan nos camiños, os perpiaños dos grosos muros dos pazos máis señoriais e os hórreos nos que gardar as colleitas máis prezadas.

As camelias son as auténticas protagonistas nos xardíns dos aristocráticos pazos. Aníma­te a visitalos durante a época de floración e comprobarás como a experiencia se converte nun verdadeiro espectáculo para os sentidos.

O  perfil  de  Galicia  é  facilmente  recoñecible  polas  súas   rías,  linguas  de   mar  que  penetran  na  terra   creando  un  equilibrio  perfecto,  con  augas   únicas  que  serven  de  lugar  de  cultivo   para os mellores mariscos e peixes.

Catalogado como bosque atlántico por excelencia, as Fragas do Eume teñen a categoría de protección de parque natural. A través das súas ru­tas poderás descubrir multitude de especies vexetais autóctonas, incluí­dos fentos e liques que permanecen na zona desde a Era Terciaria.

Dicían  que  nas  nosas costas  remataba o mundo, mais antes de que te perdas no    océano   Atlántico, que se pensaba infinito, convidámoste a descubrires  un  universo  que    che espertará os cinco sentidos.

O Parque Nacional das Illas Atlánticas de Galicia, que inclúe os catro arquipélagos das Cíes, Ons, Sálvora e Cortegada, garante a conservación e mellora duns ecosistemas tan exclusivos coma fráxiles.

O Camiño de Santiago foi, e segue sendo, sen dúbida, a ruta máis antiga, máis concorrida e máis celebrada do vello continente. Xerusalén e Roma foron durante séculos os dous pólos de atracción para os peregrinos e viaxeiros europeos, pero non fixeron camiño. Santiago tamén compartiu con eles a atracción dos camiñantes e andadores de tódolos tempos, pero, ademais, creou una ruta, fixo un Camiño.

Despois de moito esforzo estreamos por fin a demo do que será a nosa nova páxina web. Con esto queremos decir que é unha versión de proba e que estará con toda seguridade chea de erros que rogamos saibades desculpar.

Aínda non está activa ao 100%, pero estamos traballando a reo para que saia axiña falla o motor de reservas e a tenda...

De vagar imos trazando este novo camiño co queremos estar máis perto de vós e chegar a máis xente

Comezamos?