Ao longo da Historia   foron   moitos  os  pobos  que  trataron  de  conquistarnos,  pero,  rendidos  ante  os misterios  que   atesouramos,   acordaron quedar durante séculos.

As  pedras  son  testemuña,  desde  os   petróglifos    e   os dolmens    ás   murallas   que   edificaron   os   romanos, pasando polas   ducias de castros que hai. Paseniño fóronse   levantando formidables mosteiros e  catedrais que culminaron na obra  mestra construída     en      Santiago  de Compostela.

Velaquí  a  casa  que  lles  ofrecemos   aos  peregrinos que  chegan   desde    todas  as  partes  do  mundo  para  se   deixar   purificar   polo   botafumeiro    tras  esgotadoras  xornadas  de   camiño de Santiago . Xornadas entre paisaxes nas que se pode apreciar unha  infinita   gama   de   verdes   en   fragas    arrodeadas  por  neboeiras  e  herbais   habitados  por  vacas  e  agricultores,   que,  xunto  aos  pescadores  e  mariscadores, representan mellor ca ninguén o esforzo e o traballo duro.

Grazas    a    eles,    podemos    deleitar     os   visitantes   cos   máis    exquisitos  manxares .   A   bravura   do   mar   fai    crecer   os   mellores    percebes    e   no    sosego  das  rías  críanse  sabedeiras   ameixas,  vieiras  e  mexillóns .  Nas   terras  do  interior  gábanse  de  preparar o  polbo  máis rico, pero taménteñen  os  mellores   queixos ,  grelos ,  patacas e pan.

Somos especialistas en enfornar  empanadas   de  millo,  de  berberechos,   de zamburiñas e de todo o que corra,  voe ou nade; en  cocidos ; en tortillas;  en   mariscadas;   en   acompañar   as    xoubas   con    pementos   de   Padrón    (D.O.P.  Pementos  de  Herbón) ;  en   asar  castañas;  en  reencher  centolas   e   en   lles   aplicar   innovadoras   técnicas  a  uns  produtos  naturais  que   se  transforman  en  ouro  nas  mans   dos novos chefs.

O  sabor   e  singularidade  dos  viños   que  amparan  as  denominacións  de   orixe do Ribeiro, Ribeira Sacra, Rías  Baixas,    Valdeorras ou    Monterrei amenizan xuntanzas,  e  nas  sobremesas    non    poden    faltar o  licor  café ,   a   augardente   de   herbas   ou    unha  máxica   queimada   acompañada  de  conxuros.  Saltamos  as  ondas   buscando  a  fertilidade,  inzamos  as   praias   de   cacharelas   na    noite   de    San  Xoán ,  temos  pedras  con  poderes curativos, herbas nos cantís que  fan  nacer  o  amor  e  fontes  nas  que   abrollan augas milagreiras.

Se  nos  visitas,  descubrirás   recunchos  privilexiados   onde  os  ríos  cobreguean encaixados entre viñedos,  areais  brancos  e  finos  bañados  por   un  océano indómito , ilas medievais  e  pesqueiras  con  olores  a  mar  que   che  quedarán  gravados  na  memoria,  monumentos   Patrimonio   da    Humanidade   e  illas  onde  habitan   especies únicas. Vivir   Galicia    ha   proporcionarche    unha    experiencia diferente.    Vaste   afastar   da   rutina,   percorrer   a    natureza   máis   pura,   perderte   no    misterio e atopar a paz.