Con  1.650  quilómetros  de  costa ,  as   dezaseis  rías  albergan  máis  de   700  praias   de   area   fina    que   convidan    ao  descanso,  ao  baño,  á  práctica  do   deporte ou á navegación.  

Divididas      entre       Rías      Altas       e       Rías    Baixas     polo    Cabo    Fisterra,     correspondéndose co norte e o sur da  comunidade galega, as  primeiras  destacan  polas  súas  espectaculares  paisaxes de  esgrevios cantís , namentres  que o  suave clima das do sur  as converte  nun   destino  moi  demandado   durante as vacacións estivais .

A  ría de Ribadeo  é a máis oriental e a  que comunica Galicia con Asturias. A  riqueza das súas zonas húmidas favorece a existencia dunha variada fauna.  Ademais,   a    Mariña   luguesa    tamén    conta coas rías de Foz e Viveiro. 

É  a  provincia  da  Coruña  a  que  máis   rías     posúe,     concretamente     once,      algunhas   delas   vixiadas   por    cabos  impresionantes  coma o de Estaca de  Bares  ou  o  de  Ortegal  nos  extremos   das rías do Barqueiro e Ortigueira.

Abeiradas       polo        Golfo       Ártabro sitúanse  as  de  Ferrol,  Ares,  Betanzos   e A Coruña, cheíñas de praias de area  fina   e   augas   tranquilas,   ideais   para    pasalo ben en familia e para practicar  deportes acuáticos coma a vela. 

Na     Costa     da     Morte     localízanse      as   rías   de   Corme   e   Laxe,   Camariñas   e   Corcubión;   as   súas   grandiosas     paisaxes     marítimas     semellan      esculpidas  pola  forza  do  océano  Atlántico, que golpea incesante nos seus  acantilados    durante    os    temporais     invernais.

As  Rías  Baixas   destacan  polo  seu   clima suave e por seren un cobizado  destino  turístico  estival  para  quen   quere  gozar  de  calidade  de  vida.  Os   areais  da   ría  de  Muros  e  Noia   non   deixarán de sorprenderte.  

E  na  de   Arousa   vas  atopar  numerosos   bancos   marisqueiros   onde,    fundamentalmente,      verás   mulleres  traballando,  mentres  que  a  ría   de  Vigo   se  caracteriza  polos  centos   de  bateas  que  aboian  sobre  as  súas   augas.    Ademais,    poderás    acceder     ao  Parque  Nacional  das  Illas  Atlánticas   e  escoitar  lendas  sobre  galeóns   afundidos   cargados   de   ouro    que descansan no seu fondo.