Agochado na Comarca do Sar atópase o Pazo do Faramello. Ao abeiro do bosque de ribeira entorno ao Río Tinto atopamos este conxunto de orixe industrial convertido hoxe nun dos lugares senlleiros da contorna de Santiago.

A Real Fábrica de Papel del Faramello, 1710, foi fundada por un home de orixe xenovés, o Marqués de Piombino. Dende aquela no faltan referencias históricas e literarias sobre este lugar que, entre outras cousas, foi residencia real de Alfonso XIII, fonte de inspiración de Rosalía de Castro, Emilia Pardo Bazán, Camilo José Cela, Alejandro Pérez Lugín etc. e incluso arsenal durante a revolta contra os franceses a principios do S. XIX.

Entre os muros centenarios e os murmullos do río escoitanse historias de celtas, raiñas paganas e lendas xacobeas namentres se camiña polos xardíns que ocupan o espazo antano dedicado á elaboración de papel e á imprenta de diversos tipos de publicacións. Tamén se atopan obras de arte e objectos de importante valor histórico dentro do edificio principal e na capela.

A día de hoxe, aademais de visitar o conxunto, lévanse a cabo actividades divulgativas e de carácter cultural, pero tamén se poden concertar eventos privados nun dos edificios que hai no interior do recinto.